النصيب فى حب الله
عارف بيبقا في كدا كلمتين محشورين جواك و ال بسببهم بتقعد تقول مفيش لكل بني آدم بيسالك "مالك" .. وانت بقا بترد تقول مفيش ،كل حاجه وجعاك بتدور في بالك و احساسها بيوجعك لدرجه انك أوقات بتبقا نفسك تعيط بس بتمسك نفسك بحكم انك قولت "انا تمام" و بتبدلها بابتسامه بسيطة خفييفة .. و بتحسس الي بيكلمك فعلا انك كويس .
بتهون علي كل اللي حواليك و عمرك ما فكرت ف روحك انك تهون عليها، بتنصح الناس كلها بالصح إلا نفسك مكتوب عليها ممنوع من الصح ! ..
الكسرة الي تملي حاسسها و ملكش نفس في أي حاجه غير انك تقعد تتنح للحيطه و ساكت .. و الضحكه ال بتطلع بالعافيه عشان متبنش انك مجروح و قلبك واجعك و انت ولا فيك حاجه و بردو حاسس إنك فيك حاجه .. لما أقرب ناس ميكونوش حواليك و ناس غريبه يكونو جنبك و يقفو معاك ! .. لما ميكونش ليك صاحب ويوم ما تصاحب يكون مصلحه .. لما مخدتك تشهد ع كل يوم نمت و كنت بتعيط بسبب أو من غيره .. لما بتقعد تتعصب ع ناس ملهومش ذنب و يستحملوك لما تحس انك ضعيف و روحك متلصمه و تتنهد و حلمك بيضيع و انت بردو متعلق بالماضي و فاكره .. 😕
كل دا سببه حاجه واحده .. تأثيرك وانك مبتلتزمش بكلام ربنا !
"لكل فعل رد فعل" ..
اهو اللي بيحصل في حياتك سببه التأثير وأنك مبتفكرش أو بتفكر في نفسك بأنانيه و مدي لأي حد الحق ف انه يبرمجك ع حاجه إلا نفسك .. حتي مكسوف تقعد مع نفسك عشان متطلعش غلطان و تصعب عليك نفسك .. عشان مرتاح بالكدب اللي انت فيه .. الواقع المزيف
مش هقولك لا لازم تقعد مع نفسك .. هقولك ياريت ترجع لنفسك و قبل نفسك ترجع لربنا !
صلح أمورك معاه .. اظبط نفسك ع الصح خلي حب ربنآ هو الكنترول ال بيحرك قلبك للحب الحلال
متحولش الفطرة ال جواك ل دمار و جرح لقلبك .. هون علي نفسك .. بص م الآخر اعمل لنفسك و عيشلها و أتمتع بحب ربنا و القرب منه .. خلي القرآن دستورك ال هتحول بيه حياتك من جرح لجنه هتشتريها فيها ف الدنيا و هتجيلك ف الآخرة ..
متزعلش علي حاجه تقدر تعوضها .. احلم و اسعي و اعمل لاخرتك و خلي الحب ع الله و رزقك .. و عمر ربنا ما هيعملك غير الصح .. أرضي بالمقسوم ليك و نصيبك هيجيلك محدش هيقدر يغيره غير المسبب "الله" ..
و متنساش انه كريم هيدهشك بكرمه عليك .. و ربنا يدفينا برحمته .. ادعي و استغفر و اوعي تيأس طول ما لينا رب اسمه الكريم ..
خارج الموضوع تحويل الاكوادإخفاء الابتساماتإخفاء