المرايا الملعونة
دلوقتى ربنا اعلم بحالى عايشه او بتعذب او ممكن اوى ميته خدونى ولا لسه ما خد
ونيش ع العموم انا قاعده مستنياهم بس هم جايين انا مش عارفه ازاى بكتب كده ايدى
متقطعه ومشوهه مش حاسه بالوجع اكتر من العذاب اللى عايشاه وكمان مش عارفه
الكلام ده مين هيقراه او هيروح لمين بس انا بكتب الحاجه الوحيده اللى قادره اطلع
غلى فيها وكمان علشان احذركوا انا اسمى شاهندا عندى 25 سنه كنت عايشه بره
مصر والمصايب ابتدت من هناك انا شغاله مهندسه ديكور الحكايه ابتدت وانا راجعه
من الشغل زى اى يوم تقدرو تقولو روتين انا بعشق الديكورات القديمه والتحف ودى
هى سبب عذابى كنت راجعه فى مره من الاتيليه كنت ببص من العربيه لاقيت واحد
اول مره اشوفه عنده حاجات قديمه مش عارفه ايه اللى وقفنى تزلت اتفرج حاجات
قديمه قوى ما فيش حاجه عجبتنى غير مرايا شكلها عجيب زى مرايات الاميرات فى
الحكايات مدوره وبايد طويله مطرزه لونها فضى بيلمع الازاز عليه نقوشات غريبه
لونها اسود غريب عجبتنى خدتها الحاجه الغريبه ان الراجل اول مره يكون هنا فى
المكان ده وما نطقش كلمه سبتله فلوس وخدتها ومشيت وكان فيه ظروف اضطريت
انى ارجع مصر كان عندنا شقه ابويا وامى قديمه عفش قديم مليان مرايات بتاعت
زمان وكل حاجه تراب طبعا انا خدت معايا التحف بتاعتى وحاجاتى جبت ناس
توضب الشقه وتطلع الشنط لاكن انا اللى كنت بطلع التحف وكده علشان ما تتكسرش
بعد ما طلعت التحف وخلاص كان اخر حاجه المرايا اللى جبتها من بره لسوء الحظ
وقت اتكسرت منى زعلت جدا عليها لما اتكسرت بوطى عليها علشان انضف المرايا
كان فيها مكان سرى فى ورقه وقعت منها فى الضهر ورا بفتح الورقه مكتوبه
بالعربى مكتوب بالنص { يا من وجدتنى عليك لعنتى اطلقت عليك عذابى حل عليك
ظلامى سيأسروك قومى ستذوق عذاب لعنتى }
بعد اما قريت الكلام ده كنت ماسكه المرايا النقوش اللى كانت على الازاز اللى لونها
اسود انا افتكرت انها كانت على الازاز بس لادى ظهرت تانى بس لونها احمر لا
دى بقت منقوشه بالدم ! انا اغمى عليا مش من المرايا لا من صوت الصريخ
اللى سمعته قومت من النوم انا على السرير بتاعى المرايا موجوده جنبى ما
فيهاش خدش انا هتجنن ما فيش مكان سرى فى الضهر ولا حاجه بس اللى هيموتنى
ان النقوش لونها احمر بالدم مش فاهمه حاجه خلاص بجد دامغى هتتفرتك قومت
اغسل وشى دخلت الحمام بغسل سنانى بوطى على الحنفيه وبرفع وشى بصيت فى
مرايا الحمام من غير قصد صوت من المنظر اللى شفته انا من خضت
ايدى وقعت المرايا واتكسرت عماله ادور فى الحمام ما فيش حد لا
مش قادره هتجنن مش قادره انسى اللى شوفته يتبع ...
خارج الموضوع تحويل الاكوادإخفاء الابتساماتإخفاء