الرحلة الاخيرة الجزء الثالث
اول ما الاقي الدم والصور دي اسيب البيت واركب العربيه واروح علي احمد واجيبه اوريله الصور بس الغريب انه اول ما يدخل البيت مالاقيش ولا صورة
- فين الصور يا محمد ؟
- والله انا متاكد اني شفتهم ياحمد ازاي مش موجودين ؟
- انت تلاقيك تعبان شوية يا محمد ارتااح بس
- ماشي ياحمد
- ولا اقلك تعالي نروح نقعد عندنا علشان هنروح بكره الرحلة
- ماشي يلا بينا , بس احنا هنقعد وقت قد ايه في الرحلة ؟
- زي ما تيجي , يلا بقا علشان هنروح عندنا
اركب العربيه واحمد يركب جمبي ونروح عنده في بيتهم وننام , واحلم حلم وحش اوي برده واول ما افوق اصحي احمد علطول واحكيلة الحلم ,, والحلم هو هو نفس الحلم
- يا محمد فيه علامه للحلم ده
- انا عارف يا احمد , بس اجهز علشان هنروح دلوقتي الرحلة
- ماشي انا هجهز اهو وانت جهز نفسك واتاكد من كل حاجا
- ماشي
ابدا اجهز نفسي انا ومحمد وفعلا جهزنا ودورنا العربيه وهنبدا نروح ,, صلينا قبل ما نروح , وكنا بنتمني اننا نعدي الرحلة علي خير
وبعد ما مشينا بالعربيه 3 ساعات تعب ورُعب وقلق وصلنا اخيرا واتفاجأت باني الاقي المكان ده هو هو نفس المكان الي كنت بحلم بيه انه بيولع اتفاجأ واول ما نوصل نبدا ننصب الخيم وعبال ما نجهز الشنط وننصب الخيم وكل حاجا يكون جه الليل ومن كتر التعب ننام احنا الاتنين ,, نمنا نوم عمييق جدا بس اصحي علي صوت بيقول ( اهربو قبل فوات الاوان صوت مُرعب)
اصحي اشرب ميه واكل واحاول انام تاني مقدرش , اصحي احمد ونبدا نشوف المكان يعني بمعني صح نتمشي في المكان بس نلاقي حجات غريبه جدا في المكان ,, نلاقي الصور الي كانت بتيجي في البيت بتاعي
- اهوووو ياحمد شوفت بقا ؟ شفت ؟ اهي الصور دي
- اها صح يا محمد انت كلامك صح
قعدنا نفكر تاني ايه البيحصل بس واحنا بنفكر نلاقي حااجا زي شبح كده وماسكه سطور زي الي في الصورة جاايه ورانا ونسمع صوت ( زعااااااق يخوف ) واول ما نسمع الصوت ده نقف مكاننا , انا اجري علي الشنطه اجيب سكينه واحاول اضرب بيها الشبح او الشخص ده بس مقدرش لاني كنت خايف منه اجري تاني انا واحمد لحد ما نلاقي الشبح ده رجع تاني
- ايه البيحصل ده يا محمد ,, انا مش قادر استحمل
اقول بصوت عاالي ( عايزين مني ايييييييه ؟) ,, الاقي صوت بيقول ( اهربو قبل فوات الاوان وصوت زعااق )
- يلا نمشي يا محمد , بسرعه قبل فوات الاوان
- لا يمكن همشي , لازم اعمل الي ابويا قلي عليه , مش همشي من هنا غير وانا قاتل الشخص او الجن ده
ونروح نقعد في الخيم ونبدا نعمل اسلحه نقتل بيها زي مثلا نجيب الخشب ونسننه اوي اوي ويجي الليل بقا ونتمشي انا واحمد في المكان
نروح عند حاجا كده عامله زي الترعه بس ميه نضيفه
- تعالي نغسل وشنا ياحمد , علشان نفوق
خارج الموضوع تحويل الاكوادإخفاء الابتساماتإخفاء